पिंपळटक्का येथे माणुसकीचे दर्शन: स्व. अंकुश पंढरी कदम यांच्या प्रथम पुण्यस्मरणाचे औचित्य साधून विद्यार्थ्यांसाठी क्रीडा गणवेशाचे वाटपवडवणी: जिल्हा परिषद उच्च प्राथमिक शाळा, पिंपळटक्का येथील विद्यार्थ्यांच्या चेहऱ्यावर आज वेगळाच आनंद होता. निमित्त होते श्री. दत्ता अंकुश कदम यांच्या वडिलांचे, स्व. अंकुश कदम यांचे प्रथम पुण्यस्मरण. या पवित्र दिनाचे औचित्य साधून,
श्री. कदम यांनी शाळेतील सर्व विद्यार्थ्यांना क्रीडा गणवेश (Sports Uniform) भेट देऊन एक उत्तम आदर्श घालून दिला आहे.या सामाजिक कार्याचे गावकरी व शाळेच्या वतीने भरभरून कौतुक करण्यात आले. एका शोकाकुल प्रसंगाचे रूपांतर समाजोपयोगी कार्यात केल्याबद्दल सर्व स्तरातून त्यांचे आभार मानले जात आहेत.
