सविस्तर बातमी:
बीड जिल्ह्यातील वडवणी येथील पोलीस ठाण्यातील एका धक्कादायक घटनेने सर्वत्र खळबळ उडाली आहे. रक्षणकर्त्या पोलिसानेच एका महिलेसोबत असभ्य वर्तन केल्याचा गंभीर आरोप समोर आल्याने महिला सुरक्षेचा आणि पोलीस दलाच्या प्रतिमेचा प्रश्न पुन्हा एकदा ऐरणीवर आला आहे. PNG+ 3नेमकं प्रकरण काय आहे?मिळालेल्या माहितीनुसार, एका प्रकरणातील आरोपीला वडवणी पोलीस ठाण्यात बोलावण्यात आले होते. यावेळी पोलीस ठाण्यातील एका पोलीस कर्मचाऱ्याने समोरासमोर आरोपींना भोळं बनवण्याचा प्रयत्न केला.
त्यानंतर, संबंधित पोलीस कर्मचारी त्या महिलेला “केस मध्ये मदत करतो” अशा बहाण्याने थेट तिच्या घरात गेला. “मी तुला केस मध्ये मदत करतो” असं म्हणत त्याने आधी तिचा विश्वास संपादन केला आणि नंतर तिच्याशी गैरवर्तन केल्याचा गंभीर आरोप या कर्मचाऱ्यावर करण्यात आला आहे. PNG+ 4नागरिकांची आणि महिलांची संतप्त प्रतिक्रिया:रक्षकच भक्षक बनत असल्याच्या या घटनेनंतर स्थानिक महिलांमध्ये तीव्र संताप व्यक्त होत आहे. पोलिसांच्या या निंदनीय वर्तनावर कठोर कारवाई करण्याची मागणी सर्व स्तरातून होत आहे. “या प्रकरणाची सखोल चौकशी करून संबंधित पोलीस कर्मचाऱ्यावर कायदेशीर आणि कठोर कारवाई करावी,” अशी आक्रमक मागणी नागरिकांकडून केली जात आहे.
महिला सुरक्षा हीच खरी सशक्त समाजाची ओळख! समाजात कायदा आणि सुव्यवस्था राखण्याची जबाबदारी पोलिसांवर असते. मात्र, अशा घटनांमुळे सामान्य जनतेचा आणि विशेषतः महिलांचा व्यवस्थेवरील विश्वास उडण्याची शक्यता निर्माण होते. आता या गंभीर आरोपांची दखल घेत वरिष्ठ पोलीस अधिकारी काय कारवाई करणार, याकडे संपूर्ण जिल्ह्याचे लक्ष लागून आहे.
Beed News, Wadwani Police Station, Crime News Maharashtra, Women Safety, Maharashtra Police, IT Kadam News.
